k   y
TERMINOLOGJI      TË REJA      SHKRIME      THËNIE      FORUM      DIJENI

Siri: ISIS-i ekzekuton shqiptarin që kërkoi të largohej


Shqiptari Ervin Hasanaj është ekzekutuar nga xhihadistët pasi nuk pranoi të luftonte më në Siri.

I riu nga Sauku kishte shkuar në janar të vitit 2013 bashkë me gruan dhe dy fëmijët në Siri për t’iu bashkuar Shtetit Islamik, por pas muajsh të tërë luftime ishte zhgënjyer dhe donte të braktiste luftën.

Por ai është ekzekutuar dhe vdekja e tij u është mbajtur e fshehtë gruas Nexhmije Beka dhe dy fëmijëve të saj Fatime dhe Esma Hasanaj, përkatësisht 4 dhe 2 vjeç.

Hasanaj ishte rekrutuar nga Shteti Islamik për të kryer luftime në rajonin e Shamit, por realiteti ishte shumë zhgënjyes për të.

Por nga rrjeti rekrutues islamik nuk mund të dilet pa rrezikuar jetën dhe kështu i ka ndodhur edhe Hasanajt.

Ai është shqiptari i 17-të i vdekur në territorin islamik nga 90 shqiptarë të rekrutuar që do të luftonin për xhihad.

Vdekja e Hasanaj ishte konfirmuar nga antiterrori dy javë më parë ndërkohë që është zbuluar së fundmi se vdekja ka ardhur nga plumbat e atyre për të cilët ai luftoi deri para vdekjes së tij.

Burimi18 maj 2015


Komente

postieri
postieri 
2 korrik 2015, 12:59
Citim:
Vritet edhe një shqiptar në Siri, si u rekrutua në ISIS

Ervin Hasanaj është shqiptari i radhës që vritet në Siri ndërsa familja e tij mbahet ende peng. Lajmi për vdekjen e tij u mësua dy ditë më parë. Ndërkohë që raporti i antiterrorit zbulon se rekrutuesi i familjes drejt Sirisë është Bujar Hysa, imami i xhamisë së Mezezit i arrestuar një vit më parë.

Edhe ministri i Brendshëm Sajmir Tahiri, e konfirmoi rastin për të cilin tha se po hetohet intesivisht.

Saimir Tahiri: Nuk është në çështjet më të lehta për tu verifikuar, ndërkohë mbajmë kontakte të vazhdueshme edhe me familjarë të të gjithë shtetasve që figurojnë në listën tonë paraprake të atyre që janë nisur oër të luftuar jashtë Shqipërisë. Informacion më të hollësishëm për këtë nuk mund tju jap pasi informacioni konfirmohet cast pas çasti.

Ora News ka siguar raportin e intinerarit që Ervin Hasanaj dhe familja e tij ndoqi nga Shqiperia drejt Turqisë, për të përfunduar në Siri. Të dhënat e siguara në rrugë operative nga Shërbimet Inteligjente Shqiptare i janë vënë në dispozicion Prokurorisë së Krimeve të Rënda dhe drejtorise se antiterrorist.

Duke ju referuar këtij materiali mësohet se :

Personi që ka shoqëruar familjen e Hasanajt drejt Sirisë ka qenë kunati i tij Altin Beka. Më datë 11.11.2013, ai bashkë me të ëmën dhe motren e dy vajzat të mitura kanë udhëtuar nga aeroporti i Rinasit drejte Stambollit. Rezulton se pas 6 ditësh qëndrim, Beka dhe e ëma e tij janë kthyer në Shqipëri.

Mesdohet se Altin Beka (dhe e ëma e tij) ka shoqëruar të motrën dhe fëmijët e saj për në Siri, për t’u bashkuar me burrin e saj, Ervin Hasanaj i njohur ndryshe si (Ebu Ahmed), i cili është larguar për në Siri më datë 16 janar 2013.

Hetuesit thonë në këtë raport të detajuar se : “Nuk kemi informacion nëse ata kanë hyrë apo jo në territor sirian gjatë gjashtë ditëve të qëndrimit të tyre jashtë Shqipërisë.

Në raport përmendet dhe emri i imamit të xhamise së Mzezit Bujar Hysa, i akuzuar për rekrutim të shqiptarëve drejt Sirisë.

Më datë 11.nentor 2013,rreth ores 21.27, Bujar Hysa kontaktohet në telefon nga Altini Beka, i cili njofton Hysën se në Hatai kanë mberritur njerezit dhe se ai nuk ka vajtur t’i presë. B. Hysa jep një tjetër adresë qëndrimi derisa të lidhet me personat përgjegjës.

Nexhmije Beka, lindur në komuna Bastar-Tiranë, banues në Sauk -Tiranë, rezulton se ka udhëtuar jashtë vendit më datën 11.11.2013 dhe nuk eshte kthyer.

Megjithëse mbetet ende e paqartë arsyeja, bashkëshortja me dy vajzat e mitura tashmë mbeten shtetase të Isis.

http://ina-online.net/shqiperia/57414.html




Jep koment

Terminologji | Të reja | Shkrime | Thënie | Forum | Dijeni

 Redaksia: kontakt@ateistët.com
 Dega Ateistët / Vargmal © 2001-2019